भ्यालेन्टाइन डे मा आयो फर्स्ट लभ लेटर

प्रेमी प्रेमीकाहरुले आफ्नो माया र खुशी साटासाट गरी आज भ्यालेन्टाइन डे मनाउदै छन । भ्यालेन्टाइन डे अर्थात प्रणय दिवसको अवसर पारेर फेसबुक, युट्युव लगायत सामाजिक संजालमा बिभिन्न लघु चलचित्रहरु सार्वजानिक भइरहेका छन । प्रेम र सद्भाव बाँडेर खुशियाली मनाउदै युवापुस्ताले विगतदेखि नै यो दिनलाई पर्वको रुपमा मनाउँदै आएका छन ।

प्रणय दिवसकै अवसर पारेर पहिलो प्रेम पत्र, मेरो माया तिमीलाई, म तिमीलाई माया गर्छु लगायत बिबिध नाम दिएर यतिबेला युट्युवमा लघु चलचित्रहरु धमाधम प्रदर्शनीमा आइरहेका छन । यसैबिच प्रणय दिवसको पुर्व संध्यामा “फर्स्ट लभ लेटर” नामक लघु चलचित्र सार्वजानिक भएको छ । श्रवण सम्बन्धि अपाङ्गता भएको व्यक्तिले पनि आफ्नो प्रेमलाई कसरी अभिव्यक्त गर्न सक्छ भन्ने बिषय चलचित्रको मुख्य बिषय भएको निर्माताले बताएका छन । प्रेमीको भुमिकामा विकल पराजुली र प्रेमीकाको भुमिकामा अमृता भट्टले अभिनय गरेको यो लघु चलचित्रको निर्देशन मिलन खरालले गरेका हुन । चलचित्र फस्र्ट लभ लेटर ओएसआर डिजिटल इन्टरटेनमेन्टको युट्युव च्यानलबाट प्रदर्शन गरिएको छ ।