पिसाबबाट थाहा हुन्छ क्यान्सर, डाक्टरले दिए यस्तो सुझाव

स्वास्थ्यकर जीवनशैली नहुँदा मानिसहरुमा विभिन्न किसिमका रोगहरु लाग्ने गरेको छ । नेपालमा विभिन्न प्रकारका क्यान्सरको कारण मानिसहरुको मृत्यु हुदै आएको छ ।

डा.रविन जोशी

अझैपनि धेरै मानिसहरुमा समय समयमा स्वास्थ्य परीक्षण गर्नुपर्छ भन्ने जनाकारी छैन । जानकारी भएकाहरुले पनि स्वास्थ्य प्रति ध्यान नदिने नेपालीहरुको बानी नै बसेको छ ।

क्यान्सर पनि विभिन्न प्रकारका हुन्छन् । मानिसको मृत्यु गराउने गम्भीर क्यान्सर रोगहरूमध्ये प्रोस्टेट क्यान्सर पनि एक हो । समयमै रोगको पहिचान र उपचार नहुदा मानिको मृत्यु समेत हुने गरेको छ ।

नेपाल क्यान्सर अस्पताल एन्ड रिसर्च सेन्टरका अनुसार सामान्यतया ४५ वर्ष उमेर पुगेपछि पुरुषरुमा प्रोस्टेटमा समस्या देखिन थाल्छ । यसको समस्या महिलामा भन्दा पुरुषमा बढि हुने गरेको सेन्टरका युरो अनक्रोलोजी युनिट प्रमुख डा रविन जोशीले बताए ।

यस्तो लक्षण देखिन्छ

१.फिसाब फेर्न गाह्रो हुन्छ ।
२. बिस्तारै पिसाब आउछ ।
३.रोकिई रोकिई पिसाब आउने तथा बारम्बार पिसाब आइ रहने हुन्छ ।
४.राति बढी पिसाब आउने र पिसाबमा रगत देखिने समस्या समेत देखा पर्न सक्छ ।
५. मेरुदण्डको हड्डी दुख्ने समस्या देखिन्छ ।

प्रोस्टेट क्यान्सर लाग्न नदिन यि कुरामा ध्यान दिनुस् ।
१.समय समयमा क्यान्सरको परीक्षण गराउनु पर्छ ।
२. भिटामिन डि को कमिले प्रोस्टेट क्यान्सर हुने भएकाले शरीरलाई भिटामिन डि को कमि हुन दिनु हुदैन ।
३. आफ्नो स्वास्थ्य प्रति सचेत हुनुपर्छ । दैनिक खाने खाना स्वास्थ्यकर हुनुपर्छ ।
४. धेरै मासु खाने बानीले पनि क्यान्सर हुन सक्छ । सकेसम्म साहाकारी बन्दा राम्रो हुन्छ ।
५, ४५ वर्षमाथिका सबै पुरुषले प्रोस्टेट, मूत्र थैली तथा मिर्गौला परीक्षण गर्नु अनिवार्य छ ।

प्रोस्टेट क्यान्सरको समयमै पहिचान र उपचार भएमा निको हुन्छ त्यसैले समयमै उपचार गराउन डा जोशीको सुझाव छ । सुरुको अवस्थामा प्रोस्टेट क्यान्सर निको हुन सक्ने भन्दै उनले लोकान्तरलाई भने,‘अस्पतालमा उपचार गराउन आउनेहरु प्राय अन्तिम अवस्थामा आउँछन् । सुरुको अवस्थामै उपचार गराउन सकेमा खर्च पनि कम लाग्छ र रोग पनि निको हुन्छ ।’