यूवापुस्ताको प्रेम र रोमान्सको कथामा ‘टिनएज’

यूवाहरुको कथालाइ उठान गरेको चलचित्र ‘टिनएज’को ट्रेलर र २ गीत आज काठमाण्डौमा पत्रकार सम्मेलनको आयोजना गर्दै सार्वजनिक गरिएको छ । यो चलचित्र असोज २७ गतेबाट देशभरका हलमा रिलिज हुने भएको छ ।

दिनेश पाख्रिनको निर्देशनमा तयार भएको चलचित्रमा अन्जली खड्गी, नरेशविर सिंह, सरोज शाह, प्रतिक्षा खड्का, कृष्णा सिवाकोटी, अजय खड्का लगायतका कलाकारको मुख्य भूमिका छ ।

सार्वजनिक ट्रेलरमा अहिलेका यूवापुस्ताको प्रेम, रोमान्स र वियोगको कथालाइ उठान गरिएको छ । निर्देशक पाखि्रनले चलचित्रबाट प्रेम गर्न सजिलो छैन भन्ने देखाउन खोजिएको बताए । विरु मगर र चिनिमाया वाइवाको लगानीमा बनेको यो चलचित्रमा विकास चौधरी र बसन्त सापकोटाको संगीत, बासु न्यौपानेको छायांकन छ ।