सर्वोच्च अदालतले फैसला गरेको ६ महिना बितिसक्दा पनि पूर्वअधिराजकुमारी प्रेरणा शाहद्वारा विजयावास छाड्न अटेर

- सीताराम बराल

नेपाल ट्रस्टका अधिकारीहरू चैतमा दुईपटक छाउनी (स्वयम्भू)स्थित पूर्वअधिराजकुमारी प्रेरणा शाह बस्दै आएको निवास ‘विजयावास’ पुगे । पहिलोपटक पुग्दा ट्रस्टका अधिकारीहरूलाई त्यहाँ प्रवेश नै दिइएन, त्यत्तिकै फर्कनु पर्‍यो । दोस्रोपटक निवासको मूल ढोका त खोलिदिए तर प्रेरणा र उनका पति राजबहादुर सिंहले भेट नै दिएनन् । निवासका कर्मचारीहरूसँग सामान्य कुराकानी मात्र गरेर ट्रस्टका अधिकारीहरू फर्के ।

स्रोत: कान्तिपुर अनलाइन